Сите новости

Во периодот од 9 до 12 јуни, Секторот за безбедност на КАМ реализираше четиридневна обука за 87 заменици раководители од сите маркети низ државата.

Целта на обуката беше нашите колеги да ги унапредат своите знаења за секојдневните безбедносни ризици во работењето и начините за нивно препознавање и превенција.

Преку презентации, практични примери и работа во групи беа обработени теми поврзани со системите за безбедност во маркетите, основите на cyber security, како и сценарија за разбојништво, кражба и кражба од вработен.

Посебен акцент беше ставен на интерактивната работа и размената на искуства, при што учесниците споделија идеи и предлози за понатамошно унапредување на безбедноста во нашите маркети.

Продолжуваме да инвестираме во знаењето и развојот на нашите вработени, затоа што безбедното работно опкружување е заедничка одговорност на сите нас.

КАМ со 3адоволство го поддржа проектот МИО „МАЛИ ГОТВАЧИ — ГОЛЕМИ КУЛТУРИ", преку кој учениците од Битола имаа можност да учат за различни култури и традиции на еден интересен, пријатен и практичен начин.

Како поддршка на оваа иницијатива, дониравме производи кои беа дел од активностите и подготовка на рецептиrе, придонесувајќи учениците да се стекнат со нови искуства преку учење, дружење и тимска работа.

Благодарност до организаторите за можноста да бидеме дел од оваа прекрасна и позитивна приказна, која ги поттикнува младите со радост да ја развиваат својата креативност, да запознаваат нови култури и да градат пријателства nреку заеднички активности.

Со големо задоволство повторно ја прифативме поканата за учество на настанот „Кариерен ден“ на Економски факултет – Скопје УКИМ, кој се одржа на 19 мај во аулата на факултетот.

Настанот беше одлична можност за директна средба и разговор со студентите, размена на искуства и претставување на можностите за кариерен развој.

Им благодариме на сите студенти кои го посетија нашиот штанд, покажаа интерес и споделија позитивна енергија и амбиција за својот професионален развој. 

КАМ продолжува да инвестира во младите таленти и да создава можности за нивен раст и развој.

На 15 и 16 мај, КАМ повторно беше дел од KARIERA DAYS East Gate Mall — настан што ги поврзува компаниите со идните професионалци.

Во текот на двата дена, нашиот тим од Секторот за човечки ресурси имаше можност да се запознае со голем број мотивирани и амбициозни кандидати, да ги претстави можностите за кариерен развој во КАМ и вредностите што ја прават нашата компанија препознатливо и стабилно работно опкружување.

Благодарност до организаторите, како и до сите посетители кои одвоија време да нè посетат, да постават прашања и да покажат интерес за градење кариера со нас.

КАМ со гордост беше дел од вчерашниот Supply Chain Summit 2026  како сребрен спонзор. Настанот што ги обединува компаниите и професионалците од индустријата со фокус на современи решенија, логистика, иновации и развој на малопродажниот сектор. 

Нашиот тим присуствуваше на овој значаен настан, каде преку размена на искуства, идеи и нови перспективи се отворија важни теми поврзани со иднината на supply chain процесите и предизвиците во FMCG индустријата. 

Преку присуство и поддршка на вакви настани, КАМ продолжува активно да придонесува кон развојот на индустријата, следејќи современи трендови и практики кои овозможуваат уште поефикасни процеси и подобро искуство за потрошувачите. 

Остануваме посветени на континуиран развој, ефикасност и обезбедување висок квалитет по најдобри цени за нашите купувачи.

КАМ со задоволство ги отвори вратите на својот логистички центар за учениците од средното стручно училиште од Струмица!

Низ организирана обиколка, учениците имаа можност одблиску да се запознаат со функционирањето на логистичките процеси – од прием и складирање, па сè до подготовка и дистрибуција на производите до маркетите. 

Тимот од логистичкиот центар на КАМ им ги претстави секојдневните активности и начинот на кој функционира еден современ логистички систем, со цел младите да добијат практичен увид во динамиката, организацијата и можностите што ги нуди FMCG индустријата.

КАМ продолжува да поддржува иницијативи кои придонесуваат за едукација, развој и доближување на младите до реалните работни процеси и можности