Сите новости

КАМ Караванот денес пристигна и во Велес!

Во Велес нè пречека одличен интерес од страна на кандидатите, со кои разговаравме за можностите за работа, професионалниот развој и бенефициите што ги нуди КАМ.

Продолжуваме да ја претставуваме нашата компанија одблиску, да ги споделуваме можностите за вработување и да ги поддржуваме оние кои се подготвени за нов чекор во својот кариерен пат. 

Следете нè и бидете во тек со нашата рута и во текот на следната недела!

Денес повторно бевме дел од Кариерниот ден на Економскиот факултет при УКИМ!

Имавме одлична можност да се запознаеме со студентите, да им ги претставиме кариерните насоки што ги нуди КАМ и да разговараме за професионален развој, платена пракса и можности за вработување во нашата компанија.

Веруваме дека младите се важен дел од иднината и дека со вистинска поддршка, насоки и посветеност можат да направат големи чекори во својата кариера. 

Голема благодарност до сите студенти кои нè посетија, покажаа интерес и поразговараа со нашиот тим. Ни беше задоволство да ве запознаеме и да ги споделиме перспективите за градење кариера во КАМ!

Се надеваме дека ова е продолжение на многу успешни приказни. 

Втората станица од нашиот караван за регрутација беа Куманово и Св. Николе! 

Преку директни средби со заинтересирани кандидати, продолжуваме да ги претставуваме можностите за работа во КАМ и да отвораме нови врати за оние кои ја бараат својата следна професионална можност. 

Продолжуваме понатаму! Следните градови се веќе на нашата рута, затоа следете нè и дознајте кога доаѓаме кај вас!

КАМ и оваа година беше сребрен спонзор на Wizz Air Скопскиот маратон, кој се одржа на 4 октомври низ улиците на Скопје.

Како поддржувачи на еден од најмасовните спортски настани во земјата, продолжуваме да ја истакнуваме важноста на спортот, активниот живот и негувањето здрави животни навики. 

Овојпат нашиот КАМТИМ беше уште поброен!  Нашите вработени трчаа на патеките од 5 и 21 километар.

Честитки за сите наши колеги кои трчаа, се бодреа меѓусебно и ја претставија нашата компанија во најдобро светло. Вашата енергија, истрајност и спортски дух се она што го прави КАМТИМ посебен!

Поддршката на маратонот е уште една потврда за нашата посветеност кон општествената одговорност, спортот и вредностите што ги негуваме како компанија. 

Продолжуваме заедно, сплотени и мотивирани – со нови цели, нови предизвици и нови успеси! 

Заедно до целта! 

Донација за најмалите на ЈЗУ Универзитетската клиника за детски болести – Скопје

Со особено задоволство минатата недела реализиравме донација на детски пижами за ЈЗУ Универзитетската клиника за детски болести – Скопје, со цел да дадеме свој придонес кон создавање попријатни услови за најмалите пациенти за време на нивниот престој во клиниката.

Во рамки на донацијата беа обезбедени над 1.250 парчиња детски пижами, во вкупна вредност од 170.900 денари

Веруваме дека со заеднички ангажман можеме да придонесеме кон создавање посигурна, попријатна и похумана средина за најмалите пациенти.

За нас, општествената одговорност значи да бидеме таму каде што нашата помош може да направи разлика.

Се надеваме дека со овој гест ќе придонесеме кон подигнување на свеста за важноста на грижата за најмалите и ќе ги поттикнеме и останатите да дадат свој придонес таму каде што помошта е најпотребна.

КАМ продолжува со својата посветеност кон унапредување на условите за работа и подобрување на финансиската сигурност на вработените преку нови зголемувања на платите во двата најголеми сектори во компанијата.

 Зголемувањето на платите на вработените во Логистичкиот центар е веќе реализирано со мајската исплата, додека за вработените во нашите маркети промените стапија на сила со исплатата на јулската плата. Со овие измени, на ниво на сите работни позиции во секторот Продажба, основната плата во просек е за 29% повисока од минималната плата во државата.

Воедно, просечната исплатена плата на ниво на компанијата е за 22% повисока од просечната исплатена плата во браншата.

Дополнително, како дел од континуираната грижа за својот тим, КАМ годинава ќе исплати регрес за годишен одмор во износ од 52.000 денари, кој е речиси три пати повисок од законски утврдениот минимален регрес во земјата.

Со тоа, КАМ повторно ја потврдува својата позиција како компанија која долгорочно и системски вложува во вработените, преку плати, надоместоци, бенефиции и подобри услови за работа.

Во KAM веруваме дека препознавањето и вреднувањето на трудот на вработените треба да биде континуиран процес. Затоа, покрај редовните усогласувања на платите, во континуитет го развиваме и системот за бенефиции за вработените.

Последно изминатиот месец обезбедивме ваучери за пазарење во dm, што претставува уште еден начин да им се заблагодариме за нивната посветеност и придонес кон заедничкиот успех. Нашата цел е да создаваме работна средина во која луѓето се чувствуваат ценети, поддржани и мотивирани.

Како предводник во својата бранша, КАМ континуирано поставува нови стандарди во грижата за вработените, инспирирајќи ги и другите компании да ги следат нејзините практики.

Во моменти кога поддршката е најпотребна, КАМ е повторно со граѓаните.
Како општествено одговорна компанија, изминатиов периодот деодека траеше проблемот со водоснабдувањето во Гостивар дониравме 17.640 литри вода.
Веруваме дека токму во вакви моменти солидарноста и грижата за заедницата имаат најголемо значење.

КАМ - осма година по ред потврда за најдобар сооднос помеѓу цена и квалитет со нови Best Buy сертификати

КАМ, најпрепознатливиот македонски бренд и компанија во која граѓаните имаат најголема доверба, осма година по ред го потврдува најдобриот сооднос помеѓу цена и квалитет на пазарот, здобивајќи се со нови меѓународни сертификати „Best Buy“.

Новите признанија уште еднаш ја потврдуваат посветеноста на КАМ кон обезбедување квалитетни производи по достапни цени, како и континуираното унапредување на понудата во категориите кои се од секојдневно значење за потрошувачите.

Со дополнително признание „Best Buy“ се здоби одделот за свежо овошје и зеленчук, како потврда за понудата која комбинира свежина, квалитет и најдобра вредност за потрошените средства. Признание доби и приватната марка чоколади „Alpiko“ и „Gaja“, кои се препознаени како производи со одличен сооднос помеѓу цена и квалитет во својата категорија.

- Овие признанија се потврда за нашата континуирана посветеност кон потрошувачите и нивните секојдневни потреби. За нас, суштински дел од работата е на потрошувачите да им обезбедиме најдобар сооднос помеѓу цената и квалитетот. Горди сме што осма година по ред потрошувачите ја препознаваат вредноста што ја добиваат во маркетите на КАМ. Продолжуваме да вложуваме во квалитет, свежина, достапност и развој на приватните марки, со цел да обезбедиме уште поголема вредност за секое домаќинство - велат од КАМ.

Новите сертификати се надоврзуваат на постојните признанија „Best Buy“ кои КАМ ги доби за одделот за млечни производи, каде клучна улога има приватната марка „Bella Farm“, како и за приватните трговски марки за перење алишта и чистење на домот „Belil“ и „Klinko“. Дополнително, сертификатот за производи за миленици ја препозна вредноста на асортиманот под приватната марка „Alfie“, кој вклучува храна и грицки  за домашните миленици.

Со новите признанија, КАМ продолжува да ја зацврстува својата лидерска позиција на македонскиот пазар, нудејќи им на граѓаните производи кои обезбедуваат квалитет којшто е достапен по најдобри цени.

КАМ е македонскиот бр. 1 малопродажен синџир и компанија во која потрошувачите имаат најголема доверба. Ова признание, заедно со континуираните „Best Buy“ сертификати, ја потврдува долгорочната посветеност на компанијата да создава вредност за потрошувачите и да остане нивен прв избор при секојдневното купување.